Sabide ai 16 di Jugn aes 8 di sere tal centri sociâl di Val (fraz. di Darte), il comitât frazionâl di Val e Rualp al ospite la presentazion dal dvd “La fabriche dai predis”, videointerviste di pre Antoni Beline realizade tal 2000 par VideoTeleCarnia.
A intervegnin il president dal comitât frazionâl Lucio Leschiutta, Celestino Vezzi di VideoTeleCarnia, pre Roman Michelot e Dree Valcic, president e diretôr responsabil da La Patrie dal Friûl (www.lapatriedalfriul.org).
Il dvd al è realizât di VideoTeleCarnia par La Patrie dal Friûl e Glesie Furlane in ocasion dal cuint anniversari di pre Antoni Beline, che al fo par tancj agns plevan des comunitâts di Val, Rualp e Treli e che propit cuant che al jere in Cjargne al fo promotôr e fondadôr dal comitât frazionâl tal 1974.
Par discjamâ l’invît http://www.lapatriedalfriul.org/?p=9106
Par discjamâ la cuviertine dal DVD http://www.lapatriedalfriul.org/wp-content/uploads/2012/04/mockupboxdvdfabrichepredis.png
